The Common European Framework of Reference for Languages (CEFR) – ეს არის ენობრივი შესაძლებლობის დასახასიათებელი საერთაშორისო სტანდარტი, რომელიც აღწერს ენის ფლობას შვიდდონიანი შკალით.

ეს დონეებია:

• pre A1 – Starter (დამწყები)
• A1 – Beginner (ელემენტარული დონე)
• A2 – Pre-intermediate (საშუალოზე დაბალი დონე)
• B1 – Intermediate (საშუალო დონე)
• B2 – Upper-Intermediate (საშუალოზე მაღალი დონე)
• C1 – Advanced (მაღალი დონე)
• C2 – Mastery (პროფესიონალური დონე)

რა შესაძლებლობები აქვს A1 დონეზე მყოფ პირს:

• ლექსიკური მარაგი მოიცავს დაახლოებით 700 სიტყვას
• შეუძლია საკუთარი თავის წარდგენა მარტივი სიტყვებით
• შეუძლია გაიგოს და გამოიყენოს ყოველდღიური ჩვეული ფრაზები
• უჭირს საუბრისას საჭირო სიტყვების გახსენება.

რა შესაძლებლობები აქვს A2 დონეზე მყოფ პირს:

• ლექსიკურ მარაგშია დაახლოებით 1500 სიტყვა
• შეუძლია ჩაერთოს ყოველდღიურ საუბრებში მარტივი ფრაზებით და გაიგოს მოსაუბრისგან ასეთივე მარტივი სიტყვებით აწყობილი წინადადებები ყოველდღიურ ნაცნობ თემებზე
• შეუძლია გრამატიკულად სწორად გამოიყენოს წარსული, აწმყო და მომავალი დროები
• დაწეროს და წაიკითხოს მარტივი ტექსტები გადმოცემული ყოველდღიურობაში აქტიურად გამოყენებადი სიტყვებით.

რა შესაძლებლობები აქვს B1 დონეზე მყოფ პირს:

• ლექსიკური მარაგი გაზრდილია დაახლოებით 2500 სიტყვამდე
• უკვე შეუძლია გაუმკლავდეს ისეთ სიტუაციებს, სადაც საჭიროა წინასწარ დაუგეგმავ საუბრებში ჩართვა, ისეთი დიალოგების წარმართვა, რისი საჭიროებაც არის მაღაზიაში, რესტორანში. თუმცა საუბარი ჯერ კიდევ ნელია და გარკვეული სირთულეები მაინც ახლავს თან.
• შეუძლია უყუროს სატელევიზიო გადაცემებს სუბტიტრების დახმარებით
• შეუძლია დაწეროს მარტივი ტექსტი ჩვეულ და ნაცნობ თემებზე.

რა შესაძლებლობები აქვს B2 დონეზე მყოფ პირს:

• ლექსიკურ მარაგში შედის დაახლოებით 4000 სიტყვა
• ამ დონეს უკვე ახლავს თავდაჯერებულობა და კარგი კონტროლი ენაზე საუბრის, წერის, კითხვის, მოსმენის დროს
• შესაძლებელია საუბარს ახლდეს აქცენტი და ვერ შეძლოს ფილოსოფიაზე მსჯელობა, თუმცა უკვე შეუძლია ამ ენაზე იმუშავოს ან ისწავლოს, თავისუფლად და კომფორტულად იცხოვროს უცხო ქვეყანაში
• შეუძლია მონაწილეობა მიიღოს დისკუსიებში, დააფიქსიროს თავისი აზრი, წამოაყენოს არგუმენტები
• შეუძლია თავისუფლად გაიგოს ნორმალური ტემპით წარმართული მეტყველება ასე თუ ისე ნაცნობ და ჩვეულ თემებზე
• შეუძლია მთავარი აზრის გამოტანა კომპლექსური ტექსტებიდან.

რა შესაძლებლობები აქვს C1 დონეზე მყოფ პირს:

• ლექსიკური არსენალი შედგება დაახლოებით 8000 სიტყვისგან
• შეუძლია ისაუბროს მარტივად და გაიგოს თითქმის სრული ენა თავისი ნიუანსებით
• გამოხატოს საკუთარი აზრი მრავალფეროვანი ფრაზებით მშობლიური ენის დონეზე
• გაიგოს და დაწეროს ვრცელი ტექსტები არაყოველდღიურ და არაჩვეულ თემებზეც.

რა შესაძლებლობები აქვს C2 დონეზე მყოფ პირს:

• ლექსიკურ მარაგშია 16000-ზე მეტი სიტყვა
• ენას ფლობს თითქმის მშობლიურ დონეზე
• შეუძლია წერა, კითხვა, მოსმენა, საუბარი ნებისმიერ თემაზე ყოველგვარი ბარიერების გარეშე.

შეამოწმე შენი ცოდნის დონე ინგლისურ ენაში ჩვენი ონლაინ ტესტის დახმარებით: